Chapter 11
“May bagong rule. Maaaring saluhin ng SGO officer ang punishment ng violator.” Mas nanlaki ang mga mata ko nang marinig ang sinabi niya. Pati ang mga miyembro na narito ay nagulat din.
“Pero–“
“Hell bowl.” Hindi ko na naituloy ang sasabihin ko at tumingin sa hell bowl.
Nagdadalawang-isip pa si Kevin na ibigay ito pero tiningnan siya ng masama ni Uno kaya wala na siyang nagawa kundi iabot sa kanya. Kinuha ni Uno ang bowl at inilahad sa harap ko para kumuha ng parusa.
Sinamaan ko siya ng tingin bago bumunot. Muntik pa itong mahulog dahil sa padabog na pagpasok ng kamay ko sa loob. Kumuha ako ng isa pagkatapos ay binuksan ko ito para basahin. Tiningnan din ito ni Uno.
Natigil ako nang makita ang nakasulat. Tumingin ako sa kanya, bakas sa mukha niya ang gulat nang mabasa.
“I-
