Chapter 36
Malalim akong napabuntong-hininga at nakataas-kilay ko siyang tiningnan.
“Oo, crush ko siya. Okay ka na?” mataray na sagot ko.
Napansin ko na parang biglang naging seryoso ang kanyang mukha, parang nagbago rin ang mood niya.
“Okay,” tipid niyang tugon.
Sumandal na siya sa upuan at lumingon kay Liya.
“Ouch, Gray. Harry pa rin talaga si Vice,” panunukso ni Percy kay Gray.
“Baliw,” saad ni Gray. Itinuon niya ulit ang atensyon sa paghihintay ng pagkain.
“Ikaw, Liya. Ano’ng gusto mo pala sa isang lalaki?” Tumingin ako sa direksyon ni Liya.
Napansin ko ang seryosong tingin niya nang magtama ang mga mata namin pero ngumiti na siya nang itinuon kay Uno ang atensyon.
Napakunot-noo ako bigla habang tinitingnan siya, mukhang may tinatagong ugali ang babaeng ‘to.
“Mabait a
