MABILIS siyang nag-angat ng tingin sa sakay ng motorsiklo at natagpuan Ini Florence ang walang suot na helmet na si Colin. Nakakunot ang noo nito habang nakatingin sa kaniya. Hindi niya alam kung bakit, pero imbes na matahan siya pagkakita sa binata ay muling nag-init ang palibot ng mga kaniyang mata. Natutop niya ang bibig sabay ng pagpatak ng luha.
Umibis si Colin sa motorsiklo nito at inilang hakbang ang pagitan nila. Dumapo ang isa nitong kamay sa kaniyang likod at ang isa ay sa kaniyang panga.
"Ano'ng nangyari?" tanong nito na tumingin sa kaniyang pinanggalingan bago muling tumunghay sa kaniya. "Bakit ka umiiyak?"
Sa kabila ng pag-iyak ay naaaninag niya ang pag-aalala sa mga mata ng binata. Pilit niyang ikinalma ang dibdib. Umiling siya at parang baliw na ngumiti sa tanong nito. "G
