“Bakit ang dami niyong pinamili? Sako-sako? Akala ko ba dapat lowkey lang kayo ni Kuya Reedz?” usisa ni Gela habang kumakagat ng saging na kinuha sa pinamili ng mag-asawa kanina.
“Ewan ko ba. Parang kahit sa pagpapanggap lamang na mahirap si Reedz ay ayaw ng tadhana. Nalalapitan siya ng kung anu-anong sitwasyon na nagpapalabas na mayaman talaga siya,” ani Calynn. Siya man ay may lakatan na saging din na hawak. Binalatan niya rin iyon at isinubo.
Mula sa kusina, marahan ang mga lakad nilang magkapatid palabas habang nag-uusap.
“Baliw ka naman kasi, Ate. Kitang-kita naman kasi sa hitsura ni Kuya Reedz na hindi lang siya basta-basta lalaki. Hindi kapani-paniwala na mahirap. Agaw atensyon talaga ang tangkad, puti ng balat, at kaguwapuhan niya kahit ibalot mo pa siya sa sako.”
Isang maraha
