Nakabusangot ang mukhang lumabas sa kaniyang kuwarto si Calynn pagsapit ng umaga. Hindi siya kasi nakatulog dahil sa pag-iiba-iba ng kaniyang pakiramdam. Hindi niya maintindihan kagabi kung ano ang gusto niya; kung gutom ba siya o hindi, kung nasusuka ba siya o hindi. Hindi rin niya mawari kung bakit ang bigat ng kaniyang dibdib. Parang gusto niyang umiyak na hindi.
Mukhang tama ang sinabi ng doktor noong nahimatay siya na maselan ang kaniyang pagbubuntis. Idagdag pa ang sinasabi nila na hormonal changes kapag buntis ang babae. Katulad na lamang ngayon na uhaw-uhaw naman ang pakiramdam niya.
Nadatnan niya sa kusina si Aling Cora. Naramdaman malamang ang presence niya kaya napalingon ito sa kaniya.
“Magandang umaga po,” alanganing bati niya.
Ngumiti ito. “Ayos ka lang ba? Pasensya ka na
