“What are you doing?”
Natigil si Calynn sa ginagawang paglilinis sa napakagulong veranda na pinag-inuman nina Gab, Jomar at Jasper kagabi. Tinotoo kasi ng tatlo ang challenge na matira-matibay sa lambanog na ginawang content ni Gab sa vlog nito, na ang ending, tatlo silang talo dahil pare-parehas namang natumba sa kanilang inuman.
Laking pasalamat niya talaga na hindi nakisali si Reedz. Wala raw ganang uminom ang asawa kagabi kaya hindi napilit ni Gab. Isa pa’y hindi raw puwede na mahagip ito ng camera ni Gab na nakikipag-inuman dahil baka may makakilala sa kaniya kapag mai-upload sa U-Tube. Baka gawan lang daw ng issue.
“Nilinis ko ang mga suka nina Kuya Jomar,” napapalatak niyang sagot sa asawa nang lingunin niya ito. Napangiwi at naikuskos rin niya ang hintuturo sa kaniyang ilong.
N
