“ANG LAYO ng nararating ng tingin natin, ah. Saan ka na nakarating?”
Napakurap-kurap si Chrislynn nang marinig ang boses na iyon. Pagbaling niya sa may kanan niya ay nakita pa niya si Ehlae Ken. Bahagya pa nitong ibinaba ang suot na dark shades buhat sa mga mata nito. May munting ngisi sa sulok ng labi nito nang maupo ito sa kinauupuan niyang bench.
Muling ibinalik ni Chrislynn ang tingin sa malayo. Pero dahil sa presensiya ni Ehlae Ken ay nasira na ang momentum niya nang mga sandaling iyon.
“Ang lawak ng Leisure Club, dito ka pa talaga napadpad,” sa halip ay wika niya.
Nasa UHB Leisure Club sila ni Kirst. At nang mga sandaling iyon ay hindi niya kasama ang asawa dahil may appointment ito para sa UHB Magazine na photo shoot at pahabol na finalization ng interview nito. Hindi na siya su
