MAINGAT at walang bahid ng kaingayan nang maglakad papunta sa may likuran ni Kirst si Chrislynn at silipin kung ano ang kanina pang tinititigan nito sa cellphone nito habang prente itong nakaupo sa isang silya sa may terrace ng kanilang hotel suite sa Yadoya Hotel.
Ganoon na lang ang pagbungisngis ni Chrislynn nang makita kung ano iyon. Pinanonood pala nito ang live CCTV footage ng mga alaga nilang isda. Bago kasi sila umalis sa Cebu ay nagkabit ito ng extra na CCTV na nakatutok lang ng malapitan sa aquarium. At dahil high technology na ngayon kaya naman kahit sa cellphone nito ay maaari nitong makita kung ano na ang lagay ng mga isda nila.
“May lumulutang na ba?” aniya na naupo sa armrest ng kinauupuang bangko ni Kirst.
Ipinakita nito sa kaniya ang mga isda nila. “So far, wala pa naman
