BAGO magsimula ang dinner party, sa malawak na pavilion, sa Club House ng UHB Leisure Club ay may ganap daw muna ang ilan sa mga member.
Prente namang nakaupo lang si Chrislynn sa may ukupado nilang pabilog na table ni Kirst. Ang asawa naman niya ay busy sa pagdutdot sa screen ng cellphone nito.
“Sino’ng ka-chat mo?” untag niya sa asawa.
Napatingin sa kaniya si Kirst. “About business,” anito bago itinago ang cellphone sa bulsa ng suot nitong pantalon.
Mataman niya itong pinagmasdan. Bakit parang may kakaiba sa kaniyang asawa nang mga sandaling iyon? Weird.
“May problema ba sa business?” muli niyang tanong.
Umiling ito. “Wala naman.” Ibinaling nito ang tingin sa may unahan kung saan naroon ang makeshift stage.
“Sigurado ka? Mukha kang hindi mapakali,” hindi na niya napigilang isatini
