NAPATITIG si Chrislynn sa kaniyang mga alagang gold fish. Naalala na naman niya ang babae sa mall na tinulungan niya sa mga pinamili nito na nahulog sa sahig ilang araw na ang nakalilipas.
Napabuntong-hininga siya. Bakit hanggang ngayon ay kakaiba pa rin ang dating niyon sa kaniya?
Nang makilala naman niya noon ang ina ni Kirst ay hindi ganoon ang naramdaman niya na hanggang ngayon ay natutulala pa rin siya kapag naiisip ang ginang.
Napakislop si Chrislynn nang buhat sa kaniyang likuran ay pumulupot ang mga braso ni Kirst sa kaniyang katawan. Hinalikan pa siya nito sa pisngi.
“Tapos na akong magluto. Let’s eat?” malambing pa nitong bulong sa may punong tainga ni Chrislynn na nagdulot ng kilabot sa bawat himaymay niya.
Araw iyon ng Sabado at ito ang nagpresinta na magluluto ng kanilang
