LORABEL
“Ano, dadalhin na ba kita sa ospital?” tanong ni Brando sa akin.
Kanina pa ako palakad-lakad dito sa sala dahil hindi ako mapakali. Ilang ulit na akong nakaramdam ng sakit sa aking tiyan at balakang, kaya ayaw kong umupo dahil hinihingal ako.
“Hindi ko pa naman due date ngayon, Brando,” sabi ko sa kaniya.
Hinawakan ko ang aking tiyan dahil naramdaman kong nanigas ito. Maging si Brando ay nag-aalala na rin sa akin dahil ilang ulit niya akong nakitang napangiwi at napahawak sa sofa.
“Naku, huwag na tayong magpatumpik-tumpik pa, Belle,” narinig kong sabi ni Brando. “Ang mabuti pa ay tawagan na natin si Faye para masundo tayo dito sa isla dahil hindi ako marunong magpaanak kapag bigla kang manganak.”
Tumango lang ako dahil ramdam kong kumirot ang aking tiyan. Umupo na lamang ako
