"Please anak bago ako—" Putol na turan nito.
Hinintay niya ang susunod na sasabihin nito ngunit iniba na nito ang sinabi. Tumingin ang papa niya sa mama niya at pinisil ng asawa nito ang palad ng kaniyang papa na tila sila lamang tatlo ang nagkakaintindihan.
Hindi na siya nagmatigas pa dahil sa totoo lang ay gusto niyang maging parte ulit ito ng buhay niya. Maayos na sila sa pamilya nito at malaki na siya upang intindihan din naman ang pinagdaanan ng asawa ng kaniyang papa.
"Okay po Pa," mahinang sambit.
"Talaga anak," ang 'di makapaniwalang turan nito.
Tumango siya na pinipilit hindi maiyak. Nang maramdaman niya ang pagyakap ng kaniyang ama na kaytagal niyang pinanabikan. Maalala niya ay kinse anyos siya noong maranasan ang huling yakap nito. Hindi na niya napigilan ang sarili ay gi
