"HUWAG kang maingay kung ayaw mong humiwalay ang iyong leeg sa katawan mo!" mahina man ang pagkasabi ngunit maaring mamatay ang lamok dahil sa diin.
"Ang sabi ko ay sino kayo hindi ko sinabing pigilan n'yo akong magsalita! Alam na ninyong maari ko kayong ipakulong sa patong-patong na kaso? Sa pagpasok n'yo na lamang dito sa bahay ay mabigat ng kaso. Kaya't kung gusto pa ninyong mabuhay ay magtapat kayong dalawa kung sino kayo. Baka mapatawad ko pa kayo!" ganting-sigaw ng hepe.
Sa tanang buhay niya mula noong ordinaryong mamamayan hanggang sa naging ama siya ng kapulisan ay sa pagkakataong iyon lamang siya nakaranas na maging bihag ng mga hindi kilalang lalaki. Ang masaklap ay sa mismong loob pa ng pamamahay niya. Ngunit sa kaisipang iyon ay labis siyang nagtataka. Dahil paano nakapasok a
