IRISH POV
NASA harapan na ako ng aming bahay. Huminga akong malalim at hinawakan ang doorknob nito, pagpihit ko ay pumasok agad ako. Napatingin ako sa paligid dahil sobrang tahimik.
“M—Mama? P—Papa? L—Lola?” tawag ko sa kanila habang naglalakad nang tahimik, para akong magnanakaw.
Nakarinig ako nang malakas at mabilis na yapak hanggang makita ko si Lola na nanlalaki ang mga matang nakatingin sa akin.
“I—Irish, apo!” malakas na tawag niya sa pangalan ko.
“Ah, ako nga po, Lola. Sorry po kung ngayon lang—”
Hindi ko natapos ang aking sasabihin nang magsalita na siya. “Irish, mabuti na lamang nakauwi ka na! Saan ka ba galing, ha?” malakas na sabi ni Lola sa akin nang makita niya ako. Nakita ko ang kaba sa kanyang mukha. “Kanina pa kami tumatawag ng Mama at Papa mo sa phone mo, maging sil
