BUMUKAS ang malaking tarangkahan ng mansiyon at nakangiting binati si Malina ng babaeng katulong na sa tantiya niya ay nasa apatnapu ang edad. Bago lang ito sa kanila kaya hindi niya pa rin tanda ang pangalan nito.
"Magandang gabi, Ma'am Malina. Bakit ngayon lang po kayo bumalik? Kanina pa po naghihintay sa hapagkainan sina Sir Arnulfo at Madam Cielo," paliwanag nito sa kaniya matapos niyang makapasok sa loob ng gate.
Tanging ngiti lamang ang isinagot niya rito dahil wala siya sa mood na makipagkuwentuhan sa iba. Binagtas niya ang sementadong daanan patungo sa malaking pinto ng mansiyon. Sa pagbukas nito ay bumungad agad sa kaniya ang malaking portrait ng daddy niya at ni Cielo noong kasal ng mga ito. Parehong may malalaking ngiti sa mga labi ang dalawa.
Nagpakawala siya ng malalim na
