"MALINA, kanina ka pa hinihintay ng daddy mo."
Natigilan siya at bahagyang nanlaki ang mga mata. "Galit na ba si Daddy?" Mahihimigan ng pag-aalala ang boses niya.
Bumukas ang elevator sa harap nila. Muling ngumiti sa kaniya si Cielo at marahang umiling. Pumasok sila sa loob ng elevator at hinawakan siya nito sa isang braso.
"Huwag kang mag-alala, ako na ang bahala sa iyo. Basta sabihin mo sa akin kung ano ang nangyari sa iyo. Bakit nahuli ka?" maagap nitong saad at mataman siyang tinitigan. Marahan nitong inayos ang itim at aalon-alon niyang buhok na hanggang balikat lang ang haba.
Napangiti siya nang mapansin ang paraan ng paghawak nito sa kaniyang buhok. May pag-iingat at maagan. Hindi niya maiwasang hindi maalala ang yumao niyang ina dahil sa mga kilos nito.
Bahagya niyang itinaas
