Pagpasok sa kuwarto ay agad na naupo sa kama si Denise, pasandal sa headboard. Talagang medyo nanghihina pa siya. Inalalayan siya ni Henry at ito na din ang nagtanggal ng shoes ni Denise. Naupo siya sa gilid ng kama paharap kay Denise.
“Gusto mong pag-usapan?” Ang mahinang tanong ni Henry.
“Parang ayoko na lang muna.” Sagot ni Denise na niiyak na naman.
“O sige, ok lang yan.” At hinila niya si Denise palapit sa kanya para yakapin lang ito. Napasandal si Denise sa dibdib ni Henry at niyakap lang siya ni Henry hawak ang likod na bahagi ng ulo ni Denise at ang isang kamay ay hinahagod hagod ang likod nito. Ganoon lang sila, walang nagsasalita, walang nag-iingay. Dinig na dinig ni Denise ang t***k ng puso ni Henry sa pagkakasandal niya dito. Dinig na dinig naman ni Henry ang bawat paghing
