Pagsapit ng hapon, inanunsyo na ng kapitan na hindi na matutuloy ang sayawan dahil sa paparating na bagyo. Sinabihan na din nito ang lahat ng mga dayo na doon muna sa pinakamalapit na paaralan na baong gawa para safe , lalong-lalo na ang mga may paninda. Inutusan na din nito ang lahat na maging handa dahil may kalakasan si Senyang at malapit lang kami sa baybayin.
Tinulungan nina Mickey, Ariel at ibang bisita na lalaki si Tay Prado sa paghahanda. Pinagsabihan na rin ni Nay Tina ang mga bisita na taga isla na huwag munang umuwi at baka abutan ng bagyo sa gitna ng laot. Magsiksikan na lang daw muna kaming lahat sa kanilang bahay tutal malaki naman ang sala at kasya ang ilang tao doon.
Bago maghapunan, lumipat sina Marian sa silid namin ni shadi para magamit ng iba ang kanilang silid. Nasa
