"Oh ilaw, oh ilaw... Sa gabing malamig.. wangis mo, wangis mo'y bituin sa langit..."
"Aba at teka nga may naririnig ba kayong kumakanta sa labas?" kunot noong tanong ni Lola Nena sa kanila. Kahit sila ni Marilag ay nagtataka kung bakit parang may kumakanta nga sa labas ng bahay.
Nakaupo sila noon sa sala at nakikinig sila ng drama sa radyo. Iyon kasi ang libangan ni Lola Nena tuwing gabi. Pero kapag daw may lakad ito at kailangang maagang matulog eh hindi daw ito nakikinig katulad kagabi. Kaya ngayon tuwang-tuwa sila ni Marilag habang nakikinig sa drama doon pero hindi nga lang niya maintindihan kung bakit ang sungit naman sa kanya ni Marilag.
Hindi siya nito pinapansin pero sabay nga silang nakikinig sa drama dahil nakakaaliw ang kanilang pinapakinggan. Si Zandro naman ay nagkakape
