"E-Ellen...Ellen!" bulalas ni Nelly habang nakatingin sa babaeng makakasalubong nila.
"Nelly, sino iyon? Kilala mo ba sya?" kunot noong tanong niya dito.
Ngunit hindi siya nito sinagot bumitaw ito sa pagkakahawak niya at nilapitan ang babae. Napansin naman niyang medyo nanlaki ang mga mata ng babaeng nilapitan nito ng makita si Nelly.
"Ellen! Ang mga bata, ang mga anak natin! Puntahan na natin sila, h-hinihintay na nila tayo!" Malakas na wika ni Nelly at panay ang tangka nitong hawakan sa kamay ang babae.
"L-Lumayo ka! Ayokong makita ka! Layo sabi!" histerikal na sigaw naman ng babae pilit na itinataboy nito si Nelly.
Ang hindi lang niya maintindihan, mukhang magkakilala nga ang dalawa. Ngunit bakit tila takot na takot ang babaeng nilapitan ni Nelly, parang nangangatog pa nga ito
