"Anak, matanong ko lang. Ikaw ba ay may pagtingin sa asawa ng Kuya mo?" biglang tanong ng Inay ni Reynald.
"Naku, bakit n'yo naman po naitanong iyan Inay?" Nahihiyang balik tanong niya dito.
Mukhang nahahalata na ng kanyang inay na may pagtingin din siya kay Nelly. Pero batid naman niya na hindi tama iyon dahil asawa ito ng kanyang kuya. Sabagay matagal naman ng naamayapa ang kanyang kuya pero inaasahan na rin niya ito na hindi magugustuhan ang kanyang mga magulang kapag nalaman nang mga ito na may pagtingin din siya sa babae.
Iyon naman ay hindi niya ipipilit kung talagang bawal, mahal niya si Nelly at gagawin niya ang lahat para dito. Kahit pa katumbas niyon ay ang kanyang buhay, 'tsaka hindi rin naman kasi siya masisisi kung bakit siya ay nahulog dito. Una pa lamang na nagkita si
