RITHWELL PRYCE ARANDIA
__
"Pst, girlfriend mo?"
Napatingin ako kay Kuya Romeo na nakasilip sa kurtina na nakatabing sa tinutuluyan niyang apartment. Nasa pangalawang palapag palang kami ni Klaire kung saan ito nakaupa.
"Magandang gabi po."
Marahan kong kinuha ang kamay ni Klaire at dumiretso na ako paakyat sa pangatlong palapag hanggang sa makarating kami sa pang-apat.
Kinuha ko ang susi mula sa bulsa ko para buksan ang pinto. Kapapasok ko lang sa loob nang makita kong dumaan si Drew.
"Ri, kumu—" Napatigil siya nang makita ang babae sa likuran ko. Tuluyan siyang bumaling sa direksyon ko at tiningnan si Klaire mula ulo hanggang paa bago ngumisi. "Hi, miss." Mapanukso itong bumaling sa akin. "Girlfriend mo? Ganda, ah? Mukhang natuto ka na sa aking mag-uwi ng magandang chicks. Pakilala
