Chapter Thirty Seven
ALYSSA
BUMYAHE ako patungong San Lorenzo. Mabuti ng may gawin ako kaysa sa pagsisihan ko sa huli ang bagay na ito.
Gusto kong masiguro na masaya na nga si Arc sa piling ni Janice. Pinangako ko sa sarili na kung sakali mang hindi kasiyahan ang sinasabi ng mata niya, gagawa ako ng paraan para muling makuha siya.
Sana ay hindi ko na lang siya pinagtabuyan noon. Sana ay hinayaan ko na lang siyang ipaglaban ako sa mga panahong pinagdududahan ko ang pag-ibig niya.
NAIYAK ako sa tuwa nang muli kong masilayan ang lansangan ng Calle Adonis.
"Ikaw talaga anak. Para namang isang dekada kang hindi nakauwi," natatawang saad ni papa.
"Ano ka ba mahal, iba ang iniiyakan niyan," natatawang saad ni mama sa front seat.
"Ma naman, umuwi ako dahil broken ako. Tapos dadagdagan mo p
