"HELLO? Hello?" pabulong na boses ang naririnig ni Haidee sa kanyang ear piece.
"Hello!" tugon niya para ipaalam na naririnig niya ito.
"Oh my God, Haidee? Anong ginagawa mo? Nasaan ka na lulusob na kami sa isla sa Mindoro. Sasama ka ba?" tinig iyon ni Angelic.
"Oo, sasama. Saglit lang at hinihintay ko pa si Direck. Magpapaalam muna ako," aniya rito.
"Make it quick. Mukhang delikado na ang lagay ni Alexis," aligagang wika ng kasamahan. Mukhang handa na ang mga ito sa gagawin nilang pagsalakay sa kampo ni Stone man.
"Okay, I'll see you in a bit. Alam kong pauwi na iyon," aniya tukoy si Direck at hindi nga siya nagkamali dahil narinig na niya ang pagpasok ng sasakyan nito sa garahe.
Pagpasok nito ay tila nabigla nang makita nito ang bag na nakaempake. Nakatayo lang ito at nakatingin s
