Mabilis na napangiti si Kikay sa narinig buhat kay Zeus. 'Yes, ligtas na ang aking pera,' aniya sa isipan. Ilang minutong lumipas ang katahimikan sa pagitan nila nang maalalang muli itong dungawin at nakitang nakapikit ito.
"Pst! Pst!" muling sitsit dito upang alamin kung nakatulog na pala ito. Nang hindi ito kumibo o kumilos ay napangiti siya. "Hoy!" Yugyog pa niya rito.
Malapit nang makuha ni Zeus ang tulog niya. Marahil ay pagod pa rin siya sa malayuang biyahe kaya mabilis siyang ginugupo ng antok.
Ngunit bago pa man siya ginupo ng antok ay narinig ang pagyugyog ni Kikay. Hindi siya kumibo dahil talagang ginugupo siya ng antok nang maya-maya ay naramdaman niyang may palad na humahaplos sa kaniyang pisngi. Hindi siya nakakilos bagkus ay pinakiramdaman niya ang susunod na gagawin ni Ki
