IYA
"Hiwalay na ba kayo ng boyfriend mo?"
Halos masamid ako sa iniinom kong tubig sa tanong na iyon ng Tatay ko. Kaming tatlo nina Ivo ang nauna dito sa hapag habang hinihintay ang nilulutong sabaw ng Nanay ko ngayong gabi. Si Ivory naman ay nililinisan pa ng katawan ang anak sa banyo.
Nang makabawi ako, salubong ang kilay na tiningnan ko ang ama ko. "'Tay, bakit n'yo naman po naitanong 'yan kung hiwalay na kami ni Rohan?"
"Hindi mo siya kasama ngayon dito."
Pinakatitigan ko ang Tatay ko bago tinusok ang longganisa gamit ang tinidor at kumagat doon. "Busy ho si Rohan. He's currently out-of-the country for a business trip."
"Iniwan ka na niya?"
Nilunok ko muna ang nginunguya ko at pilit na ngumiti kay Tatay. "He left for a few days lang po. He didn't leave me for good. Magkaiba ho iy
