Nabitawan ni Lena ang walis nang makitang kinakaladkad ni Chelle ang anak nito na si Steffany sa hagdanan ng mansyon. Kinakabahan at takang-taka na sinakluluhan nito ang anak.
"Magnanakaw ka! Magnanakaw ka!" sigaw ni Chelle na gigil na gigil kay Steffany. Marahas nitong hawak ang braso ng bata.
"Hindi po!" umiiyak na tanggi ni Steffany, tigmak ang luha nito kakaiyak gawa ng matinding takot. Nagulat na lang ito nang sabunutan ito ng dalagita at akusahang magnanakaw ng manika ni Edna.
Inagaw ni Chelle ang manika. "Hindi?! Eh, bakit hawak mo ito?!"
"Chelle, binatawan mo si Steff! Anak ko siya," pagmamakaawa ni Lena sa anak ng amo.
Pairap na nilingon ito ni Chelle. "Anak mo 'to?" singhal nito.
"Oo, Chelle." Maluha-luha si Lena.
"Alam mo bang pumasok itong--"
"What's happening here?" bu
