"Steff, puwede ko bang makilala ang kaibigan mo na si Edna?" alinlangang tanong ni Lena sa anak nang makauwi siya sa kanilang bahay at mahimasmasan sa nakakatakot na nalaman tungkol kay Donya Maria. Hindi talaga siya makapaniwala na ang inaasikaso niyang matanda ng ilang araw ay matagal na palang patay. Ang nakakakilabot pa'y pati raw ang Apo nitong si Edna ay matagal na ring wala. Magkasunod daw silang namatay, ilang taon na raw ang nakalipas dahil umano sa mga masasamang loob na gustong nakawan ang matanda noon. Kaawa-awa nga raw ang mag-lola.
Ngunit ang pinagtataka niya ay kung bakit nagmumulto ang matanda. Ang alam niya iisa lang naman ang dahilan ng mga taong namayapa kung bakit nagbabalik o nanatili ang mga ito rito sa lupa. Iyon ay dahil hindi matahimik ang kanilang kaluluwa.
"Mom
