TINULAK NI GINGER si William palabas ng kaniyang silid. Matapos maisara ang pintuan kumuha siya ng ilang pirasong damit at nilagay iyon sa kaniyang backpack. Uuwi muna siya sa Pampanga. Magpapalamig muna. Naisipan ni Ginger na kunin ang box ng evening gown. Binuksan niya iyon. Tinitigan at nagmuni-muni.
”Isusuot kita sa party at maggra-grand entrance ako sa Sabado. Mahuhulog ka rin sa alindog ko pulang kabayo ka. Pero kapag nangyari ‘yon pahihirapan kita. Hindi lahat ng mga babae ay basta-basta mo na lang makukuha. Iba ako sa kanila,” bulong ni Ginger sa gown na hawa saka niya iyon tinupi nang maingat at nilagay sa kaniyang backpack. Isinama na rin niya ang paris nitong high-heeled shoes.
Tinawagan ni Ginger si Julius. Tatanggapin niya na ang offer nitong makeover. Pagkatapos dumaan sa s
