Chapter 101
"Ate Vee, dinner na raw po tayo." Yaya ni Vicky sa akin. Napahaplos ako sa aking tiyan.
"Hindi ako gutom." Tugon ko sa kapatid ko. Pero sa totoo lang ay nakakaramdam na naman ako ng gutom. Kanina pa nga. Pero ayaw ko lang na lumabas dahil baka makasalubong ko iyong lalaking pangit.
"Ate, paborito mo iyong ulam. Adobong baboy na nagmamantika." Ginagamitan ako ni Vicky ng magic word. Obvious din naman kasi na simula no'ng nabuntis ako'y paborito ko na ang lahat. Para akong naglaway. Pero paninindigan ko ito. Lunok-lunok muna. "Tapos nagluto rin si Manang ng pritong isda na ang sawsawan ay ginayat na mangga na may kamatis at bagoong. Siyempre may sibuyas din." Muli akong napalunok.
"H-indi ako gutom." May nginig na iyon. Kasi sa totoo lang ay parang gusto ko nang magpayaya
