Josh,
If I know what love is, it is because of you.
Hyacinth
"Tara. Sa Claw Machine tayo," narinig kong excited na sabi ni Josh, sabay hatak nito sa akin.
Nagpahatak na lang ako kay Josh. Iyong mag-isip sa mga oras na ito ang pinakamahirap gawin. Bagong bihis ang arcade at ang daming bagong gaming machines. Bago kami pumunta sa lugar ng Claw Machine ay bumili na si Josh ng tokens. Pagkabili niya ay nagmamadali na naman itong hinatak ako hanggang sa makarating kami sa hilera ng mga Claw Machines.
"Alin ang gusto mo diyang kunin ko, baby?" tanong nito sa akin, habang pinagmamasdan namin ang laman ng Claw Machine na nasa harapan namin.
"Lahat!" sagot ko.
Tumingin sa akin si Josh. Ine-expect ko na aangal ito sa sinabi ko. Pero ngumiti ito sa akin, at saka buong yabang na nagsalita.
"Wa
