Blaire,
You are my sun, my moon, and all of my stars.
Josh
Frustrated na pinatay ko ang TV, at saka mahinang ibinalibag ang remote control sa kama. Pabagsak akong nahiga sa kama at saka mariing pumikit. Kinapa ko ang unan na nasa ulunan ko at saka itinabon ito sa mukha ko. Argh! Ano ba naman 'to!
Gusto ko ngang mawala sa isip ko iyong halikan namin ni Josh kanina, tapos para namang nananadya na pagbukas mo ng TV, kissing scene ang bubungad sa yo. Haist! Bakit ka kasi bumigay, Hyacinth Blaire? Ano pa'ng mukha ang ihaharap mo kay Josh niyan?
Nang biglang tumunog ang cell phone ko, kaya awtomatikong napadilat ako. Hinanap ko sa ibabaw ng kama kung saan ko ba nailapag kanina iyong phone ko.
Zaekah calling...
Agad ko iyong dinampot. Mabuti na iyong may makausap ako, para mawala sa isip
