Kabanata 20
Kanina pa ako pasulyap-sulyap kay uncle. Nasa opisina na kami at kasalukuyang tinatrabaho ang mga kailangang asikasuhing dokumento. Mag-a-alas sais na nang gabi at mukhang matagal pa kaming matatapos, lalo na’t ino-organize namin ang paparating na outing ng executives ng kompanya.
Tumawag na lang ako kay mama at sinabing matatagalan ako ng uwi at hindi na makakasabay pa sa hapunan.
Napabuga na lang ako ng hangin sabay sandal sa swivel chair at muling sumulyap sa kanya. Hindi ko alam kung ako lang ba, pero ramdam kong sinasadya niyang hindi ako pansinin. Buong araw, ramdam ko na may mali; na parang galit siya sa akin or what. Sobrang tipid kasi ng bawat salutang binibitawan niya at ewan ko ba, basta ramdam kong may mali talaga.
Hindi ko rin naman siya matanong kung ano ang
