Kabanata 41
“I’m home,” nanghihinang sambit ko pagkapasok na pagkapasok ko ng bahay. Kakauwi ko lang galing sa opisina at pagod na pagod ang pakiramdam ko dahil ang dami naming inasikasong paperworks. Nagkaroon kasi ng problema sa isang branch ng kompanya at kailangan naming ayusin agad. Bibisita nga si uncle roon sa susunod na araw para personal na i-check ang branch at siyempre kasama ako.
Pabagsak akong umupo sa sofa bago inilibot ang tingin sa paligid dahil hindi ko mahanap si mama. “’Ma!” tawag ko sa kanya at ilang sandali lang ay sumagot na siya mula sa kusina. Mukhang hindi pa siya tapos magluto.
Inilagay ko na muna ang bag ko sa sofa bago tumayo at sumunod sa kanya sa kusina. Doon ay nadatnan ko siyang naghahango na ng mga niluto niya. “Natagalan ka yata ng luto ngayon, ‘ma?” t
