Kabanata 70 - Part I
Third Person’s Point of View
Napakurap-kurap na lang si Carmela nang lisanin ng anak ang kusina. Nakatingin lang siya sa direksyon na pinuntahan nito. Gusto niyang sundan si Penelope pero alam niyang wala ring mangyayari kung agad niya itong kakausapin. Kilala niya ang ugali ng anak kaya minabuti na lang niyang hayaan na lang muna itong mapag-isa sa kwarto nito. Siya naman ay bumalik sa ginagawang paghahanda ng hapunan nila.
Ngunit natagpuan niya ang sariling nakatingin lang sa mga gulay na nasa mesa. Hindi niya lubos akalaing iyon ang bumabagabag sa anak niya. Matagal na niyang napapansin na tila may gustong sabihin si Penelope sa kanila, pero tila nagdadalawang-isip ito. Pero ngayon ay naiintindihan na niya kung bakit. At tingin niya’y tama lang din ang naging de
