Inalalayan ko na lang si Genro papunta sa kwarto pero hinila niya ako papunta sa sofa.
"Mag-usap nga tayo!" sambit nito na ma-awtoridad. Lumayo ako sa kanya at hinayaan ko siyang mahiga doon. Nilagay nito ang kaliwang kamay niya sa tiyan at nakikita ko ang pagtulo ng luha ni Genro. Parang gripo ang mga luha niya ng sandaling iyon at nakaramdam ako ng kirot sa puso dahil sa nasasaksihan ko.
Iniwanan ko na siya doon at nagtungo na sa kwarto dahil hindi ko na kaya ang nakikita ko.
NAGISING ako dahil sa pagtunog ng aking cellphone at nakita kong si Spiel ang tumatawag sa akin.
"B-bakit?" garalgal kong tanong sa kanya at nakapikit pa ako. Pumupungay-pungay pa ako pero napaupo ako dahil sa sinabi niya.
"Nabalitaan ko ang nangyari sayo. Gusto mo na bang bmalik sa serbisyo?" tanong niya
