Pagdating ko sa himpilan, nagtungo agad ako sa opisina ni General Hermosa at nakita kong nagsisimula nasilang magkaroon ng meeting tungkol sa lalaking nakilala ni Genro. Nahinto sila pagpasok ko.
"Good morning, Lieutenant Roque, sit down!" utos ni General Hermosa at agad naman akong tumalima. Nang i-report ko kahapon ang tungkol sa nasabi ni Genro ay sinabi ni Spiel na ang mga tauhan na ni General Hermosa ang bahalang magsiyasat sa taong iyon. Nais rin kasi niyang matuon ang atensyon namin sa pagsugpo sa grupong The Serpents.
Limang tao kami sa loob ng kwartong iyon. Si Ishmael, General Hermosa, ang babaeng nagpapaliwanag sa harap, ako at si Spiel. May hawak na kape si Spiel at tahimik na sinisimsim iyon sa kanyang pwesto. Tinaas niya iyon sa akin para alukin ako, isang ngiti lang ang
