NARIRITO siya sa rooftop ng ospital, walang isa man ang nakakita ng lumabas siya ng silid. Nais niyang mag-isa at makapag-isip.
Kahapon ng magising si Roseanne Angelica, ang sabi ng nurse na naka-assign sa kanya, matatagalan bago alisin ang benda sa mukha niya. Malalim daw ang damage at nahirapan ang mga doktor ayusin iyon.
Maraming beses niyang binabalikan sa isipan kung ano ang mabigat na kasalanang nagawa niya. At wala siyang maalala o matandaan. Pero bakit ang daming hirap at pasakit ang kanyang dinadanas? Ayaw niyang umiyak dahil ipinagbabawal iyon ng mga doktor pero kusang tumutulo ang kanyang luha.
Ang sakit sa dibdib na para bang wala siyang karapatan maging masaya.
Noong maliit pa lamang siya laging nag-aaway ang kanyang ina at step dad. Hanggang tumuntong siya ng high schoo
