THIRD PERSON'S POV
Sa kadiliman ng gabi ay sinunson ng grupo ni Skyler ang iginuhit na mapa ni Rhodora sa papel, patungo sa liblib na kagubatan kung saan umano’y nakita ng bunso nitong kapatid na si Ramona si Marcel.
Naging alerto ang buong team sa bawat hakbang. Ang paligid ay nababalot ng nakabibinging katahimikan na tila binubulabog lamang ng tunog ng mga kuliglig, huni ng mga palakang nagsisipagtaguan sa mga basang damuhan, at ang langitngit ng mga tuyong sanga sa ilalim ng kanilang mga bota. Basa pa ang lupa mula sa nakaraang malakas na ulan—madulas, malambot, at madaling iwanan ng bakas ng yapak.
Nasa unahan si Skyler, na siyang mas sanay sa lugar. Bitbit niya ang papel na may sketch at ang baril, habang mapanuring tumitingin sa bawat direksyon. Nakasunod naman sa kanya ang tatlo
