Rhodora
Umaga na nang magising ako.
Nakita ko ang mga brasong nakayakap sa akin, at may naririnig akong mahinang hilik sa likuran ko. Dahan-dahan ko itong nilingon at nabungaran ko ang maamong mukha ni Skyler. Mahimbing pa rin siyang natutulog habang nakaawang ng bahagya ang bibig.
Napangiti na lamang ako. Dito na rin pala siya natulog sa guest room. Hindi ko na namalayan kagabi kung ano'ng oras siya bumalik dahil maaga rin akong nakatulog.
Maingat akong bumaling paharap sa kanya at niyakap din siya ng mahigpit. Kumilos naman siya, mas humigpit din ang pagkakayakap niya sa akin. Hinagkan niya rin ako sa noo bago muling natulog.
Napangiti akong muli. Tahimik kong pinagmasdan ang mukha niya. Ang makakapal niyang pilikmata, ang medyo gusot na kilay, at ang banayad na paghinga. Akin lan
