THIRD PERSON POV
Mabilis na itinumba ni Shendrix ang malaking lamesa dahilan upang magkalat sa sahig ang mga pagkain. Hinila niya ang magkapatid na sina Rozalina at Ramona upang magkubli sa likod nito. Pareho silang nanginginig sa takot.
Mabilis na bumunot ng baril ang magkapatid na Shendrix at Emreign, at nagkubli sa mga sulok ng pader ng kusina bago sumilip sa labas mula sa mga butas na dinaanan ng mga bala kanina.
Ganun din ang ginawa ng kanilang ama at ina, at ng panganay na si Skyler na nasa sala. Lahat silang magkakapatid ay natutong humawak ng baril at dumaan sa intensive training mula sa kanilang ina na dating nasa ilalim ng organisasyon. At kahit saan sila magpunta, palagi silang handa at may mga dalang armas.
Siniguro ni Skyler na nasa ligtas ding lugar si Rhodora kasama ang
