Nagdadalawang isip si Aul sa dapat na isagot. Nais niyang tanggapin ito subalit paano? Huminga siya nang malalim at umiling. “Kulang ako sa dokumento, hindi na ako makapag-aaral pa, Sir, kaya kahit na lamang sa libro ay may matutunan ako.” Ang lahat ay pawang kasinungalingan ngunit wala na siyang magagawa. Kilala niya ang kaniyang sarili at wala na siyang magagawa upang baguhin ang katotohanan kung sino at ano siya. “Maraming salamat sa inalok mo.”
Tumango na lamang si Sere ngunit hindi ito natigil sa pag-iisip kung paano matutulungan ang babae. “I can help you, we can pay someone to get your complete documents.”
Tila wala nang maitago si Aul o kahit na mahanap man lang na solusyon upang tanggihan ang alok na ibinibigay ng lalaki. “A-ah...” Hindi siya tiyak kung ano ang dapat na itugon
