BAHAGYANG inalog ni Seki ang balikat ni Hades. Dinala niya ito sa kanilang condo unit na ngayon ay maayos na, makalipas ang naganap na pangyayari rito. Hindi tumigil ang mga pulis sa pag-iimbistiga sa mga nangyayaring kaguluhan sa buhay nila. Kaunti na nga lang ay malapit na silang paghinalaan ng mga ito. “Hades?” tawag niya sa pangalan nito ngunit hindi sumagot ang babae. Tila nakatulog ito sa kanilang byahe. Ngayon ay nasa Manila siya at naisipang bukas na lamang babalik ng hacienda.
Bahagya nang natuyo ang kani-kanilang mga damit at buhok na kanina ay nabasa ng ulan. Hindi niya na ito ginising pa at binuhat na lamang muli, mula sa pagkakaupo sa loob ng kaniyang sasakyan. Habang naglalakad siya ay naalimpungatan si Hades. Nagising itong buhat-buhat niya na tila pangkasal at hindi na tu
