AUBREY
Ewan ko pero iba talaga ang pakiramdam ko. Baka paranoid lang din ako at tamang hinala, kaya pilit na iwinaksi ko na lang ang mga bagay na naiisip ko, lalo na at wala namang binanggit si Ninang Janina tungkol dito.
Kung sabagay, hindi naman maglilihim sa akin si Ninang Janina in case na may hindi sila napagkasunduan ni Dexon. Yun pa, eh, harapan iyon kung magreklamo tungkol sa asawa ko kapag may nakita siyang hindi niya nagustuhan.
Gabi na nang dumalaw si Rose kalong ang anak. Sila lang dalawa ang umakyat dito sa silid namin para bisitahin ako dahil naiwan sa baba si Kuya Addie at may pag-uusapan yata sila ng asawa ko.
"Grabe ang lakas mo bessy, nakaya mong ilabas ng normal ang apat na babies mo," manghang sabi ni Rose matapos silipin sa crib ang apat na mga anak ko.
"Alam mo
