Tulog na tulog si Aquihiro. Pero hindi ko pinigilan ang sarili ko. Paulit-ulit ko siyang sinampal. Hindi man lang ito nagising, pero tiyak na iindahin bukas nito ang sunod-sunod na sampal na ipinatikim ko sa pisngi nito.
Gago siya! Ako man or si Tabitha ang nasa tabi n'ya, pareho lang ang kalalabasan. Magloloko at magloloko siya. Gusto ko siyang isunod sa yayang itinulak ko sa hagdan, para magtanda. Pero alam n'yo kung ano ang pumipigil sa akin? Iyong kapag nagkamali at mawala ito. Saan ako pupulutin? Ako pa rin si Matilda, kahit na anong gawin ko ay hindi talaga ako magiging si Tabitha. Kaya lahat nang mayroon ito kapag nawala siya, ay hindi pa rin sa akin mapupunta. Pwede sa mga anak ko, pero tiyak na mas marami pa rin sa tunay na Tabitha. Para na rin itong nanalo kapag nangyari iyon.
