“I’M SORRY, Ate. Hindi ko agad sinabi sa’yo ang tungkol sa amin ni Mark Anthony kasi baka magalit ka,” umiiyak na paliwanag ni Rhaine nang habulin siya nito sa dalampasigan.
Hindi kinaya ni Summer ang mga nalaman niya kanina kaya napatakbo siya sa dalampasigan at doon hinayaan na sumabog ang kaniyang emosyon.
Tama nga ang hinala niya na may iba ng nagpapasaya kay Mark Anthony ngunit hindi niya inakalang si Rhaine na iyon. At lalong hindi niya akalain na ang lalaking pakakasalan at gustong ipakilala sa kaniya ng kakambal niya ay ang lalaking pakakasalan din sana niya noon ngunit iniwan niya. Ganito ba talaga ka-galit sa kaniya ang tadhana? Na malas na nga siya tapos ganito pa siya paglaruan?
Hindi pa alam ni Summer kung paano pakalmahin ang puso kaya hinayaan lang muna niyang magpaliwan
