DALAWANG ARAW ng nakaalis ang mag-ina na Mia at Monique. Ibig sabihin, tatlong araw ng nagpapanggap na asawa ni Mark Anthony si Summer. Pero kahit papaano ay nababawasan na ang kaba niya dahil iyon din ang araw na inaasahan niyang uuwi ang kakambal. Lalo na at nabalitaan naman niya na nakalabas na ng bansa ang bagyo at maganda na uli ang panahon, pati na sa Polillo Island kung saan na-stranded si Rhaine.
Pero bakit kaya hindi niya ito makontak hanggang ngayon?
Kaninang umaga pa lang ay naghihintay na si Summer sa tawag ng kapatid. Sumapit na lang uli ang gabi na hindi man lang ito nagpaparamdam o kahit mag-text man lang para i-update siya. She tried to call her quite a lot of times. Pero unreachable pa rin ang cellphone number at social media account nito.
“Nasaan ka na ba? Bakit hindi
