Chapter Ninety-seven
Sobrang bilis ng kabog ng dibdib ko. Hindi iyon normal. Pagkatapos linisin ni Claire ang picture frame ay naupo muna ako sa balcony. Hindi naman na dumurugo iyong sugat ko na nakuha ko dahil sa bubog.
"Oh, napaano ka d'yan?" puna ni Claire sa akin.
"Kinakabahan ako, Claire."
"Ha? Bakit?" takang ani nito. Ang tingin ay nawe-weirdo-han sa akin.
"Hindi ko alam. Anong oras na ba? Wala pa sila Coby at Top." Saka ako lumingon sa balcony.
"Maaga pa, Inda. Baka bumibiyahe pa lang ang mga iyon pauwi. Praning ka na naman?" tudyo nito sa akin. Bumuntonghininga ako. Tumayo at humarap sa tarangkahan habang narito sa balcony.
Parang bawat segundong lumilipas ay mas bumibilis ang kabog ng dibdib ko.
Iniwan ako ni Claire. Pumasok ito ng kabahayan. Pagbalik ay may hawak n
