NAPATAKBO ako papunta sa harapan ni Asta nang marinig ang sinabi niya. “Narinig mo rin ba ang tsismis kay Via, Asta?” pagtatanong ko sa kanya at naupo ako sa kanyang harapan.
Nakita ko ang pagtingin niya sa akin at tumango. “Um, oo, Mallory, bakit?” takang tanong niya sa akin at nakita ko ang tingin ni Asta na tumagos sa aking likod. Kaya napalingon ako at nakita kong kay Rain siya nakatingin.
“Hoy, Asta, narinig mo rin ba? May nasagap ka bang tsismis?” tanong ko muli sa kanya.
“Best, maupo ka nga muna dʼyan. Tinanong mo agad si Asta tungkol sa bruha mong pinsan. Alam naman nating number 1 tsismoso si Asta pero kumain na muna tayo,” sabi ni Rain sa akin at tinapik ang aking balikat.
“Hindi pa rin pala namamatay ang tsismis kay Via? Five days na ngayon?” sabi ni Chloe at tumango ako
