TRAVON ARTIAGA
__
Hindi na ako sumabay sa kanila pauwi kinabukasan. Nagtungo ako sa lugar na madalas naming puntahan. Tumayo ako sa gilid ng malaking puno habang nakikita ko ang mga litrato sa isip naming dalawa.
Pakiramdam ko paulit-ulit na dinudurog ang puso ko.
Masakit malamang may mahal na siyang iba pero mas masakit palang isipin na muntik na pero hindi pa rin naging sa akin. Masakit isiping kasalanan ko kung bakit.
Nilapit niya na ang sarili sa akin. Ginawa niya na ang lahat pero gumawa pa rin ako ng paraan para ilayo siya sa akin.
Sinubukan kong magbago pero hindi ko alam kung nagbago ba talaga ako o isa pa rin ang malaking palaboy sa mundong 'to na hinahanap pa rin ang sarili.
Masakit... kasi alam ko siya lang ang gusto kong makasama habang-buhay pero may magaan sa dibdib ko
